2018 оны 10-р сарын 25-ны өдөр Шивээговь сумын ахмадуудад “Ахмад настны тухай хууль”, “Ахмад настанд үзүүлэх хөнгөлөлт, тусламж”, “Засгийн газрын 316-р тогтоолын хэрэгжилт”-ийн талаар ХХҮГ-ын халамжийн сангийн мэргэжилтэн Л.Эрдэнэчимэг, “Ахмадын зөвлөх үйлчилгээ”, “Ахмадын хөдөлмөр эрхлэлт”-ийн талаар Хяналт шинжилгээ, үнэлгээ, дотоод хяналт хариуцсан мэргэжилтэн Э.Мөнхзул нар тус тус сургалт зохион байгууллаа. Сургалтад нийт 32 ахмад хамргадлаа. Сургалтын төгсгөлд ахмадуудын сонирхсон асуултад хариулт өгч, ахмад настны хууль, тогтоомж, дүрэм, журмын талаар нэгдсэн ойлголт өгсөн үр дүнтэй сургалт боллоо.
Энэхүү сургалтын үеэр аймгийн Нэгдсэн эмнэлэгийн их эмч Х.Цэрэндолгор ахмад настнуудад эрүүл мэндийн урьдчилан сэргийлэх үзлэг хийж, Шивээговь сумын Эрүүл мэндийн төвийн эрхлэгч П.Ганчимэг витамин тарааж, Шивээговь сумын залуусын төлөөлөл болох Ю.Дэлгэртөгс, О.Долгормаа нар ахмад настнуудыг халуун цай кофе, жигнэмэгээр дайллаа. Хамтран ажилласан та бүхэндээ ахмадуудынхаа өмнөөс баярлалаа.